Энэ оны хамгийн анхны Apple Event манай цагаар 4 сарын 21-нд шилжих шөнө болж өнгөрлөө. Мэдээж тус арга хэмжээнд хэрэглэгчид бидэнд Apple брэндийн зүгээс маш олон гэнэтийн бэлэг барьсан арга хэмжээ болж өнгөрсөн байна. Бидний мэдэх iMac, iPad, iPhone 12 (шинэ өнгө), Apple TV зэрэг бүтээгдэхүүнүүд сайжирсан загваруудаа танилцуулсан бол цоо шинээр AirTag нэртэйгээр худалдаанд гарах илрүүлэгч дохио өгөх төхөөрөмж нээлтээ хийсэн байна. Манай vistastore.mn-ийн зүгээс та бүхэндээ тухайн бүтээгдэхүүнүүдийг танилцуулж байна.
1. iMac M1 2021
24 инч 4.5K нягтаршилтай дэлгэц, хамгийн сүүлийн үеийн спикер систем нь танд дуу болон дүрсний гайхалтай чанарыг мэдрүүлэх болно. Мөн загварын хувьд өөрчлөгдсөн бөгөөд шинээр олон төрлийн өнгөний сонголттойгоор худалдаанд гарах юм. Мэдээж үзүүлэлт болон хүчин чадал нь нэмэгдсэн бөгөөд Apple брэнд өөрсдийн зохион бүтээсэн M1 Chip-ийг суурилуулж өгсөн байна.
2. iPad Pro M1 2021
Mөн адил M1 Chip cуурьлуулж, 12.9 инч Liquid Retina XDR дэлгэцтэй болсон байна. Mөн Apple iPad Pro загварыг анх удаа 5G cүлжээ дэмжих системтэй болгосон ба камерын хувьд 12 megapixel болон өргөн өнцөгт шинэчилсэн нүүртэй болсон байна.
3. iPhone 12
iPhone 12 загвар нь үзүүлэлтийн хувьд өөрчлөгдөөгүй ч загварын хувьд анх удаа Purple өнгөтэй гарсан бөгөөд энэ өнгө нь iPhone төрлийн утасны бас нэгэн гайхалтай шинэчлэл болоод байна.
4. Apple TV 4K
A12 Bionic Chip болон чанарын өндөр төвшний 4K шинэ систем нь HDR дүрс болон том дэлгэц дэмжих чадвартай болсон байна. Бас шинэчлэгдсэн Siri-тэй удирдлагатай болсныг хэлэхэд илүүдэхгүй биз.
5. AirTag
Энэ бол Apple брэндийн гаргасан шинэхэн бүтээгдэхүүн бөгөөд та тухайг бүтээгдэхүүнийг өөрийн түрүүвч болон түлхүүр зэрэг эд зүйлсд суулгасанаар Find My апликейшнийг ашиглан олох боломжтой болж байна.
