2022 оны зун Nothing компани Phone 1 гар утас, Google-нхэн Pixel 6a гар утас зэрэг олон бүтээгдэхүүнүүд танилцуулагдаж технологийн ертөнцийн өрсөлдөөн улам ширүүссээр байна. Харин Samsung-н хувьд өчигдөр энэ жилийн хамгийн өндөр хүлээлттэй арга хэмжээний нэг болох Samsung Unpacked 2022 арга хэмжээ болж өнгөрлөө. Таамаглаж байсанчлан Samsung Galaxy Z цувралын Flip болон Fold 4-р үеийн цоо шинэ гар утас, Pro ба Энгийн 2 төрлийн Galaxy Watch ухаалаг цаг мөн дараагийн үеийн чихэвч шинээр танилцуулагдлаа.
Хамгийн сүүлийн үеийн Snapdragon 8+ Gen 1 чиптэй Galaxy Z Fold 4 нугалаас хэсгээрээ илүү сайжирч бараг мэдэгдэхгүй болж, камер, хурд хүч, дотоод ажиллагаа бүх л үзүүлэлтүүд нэмэгдсэн нь одоогийн зах зээл дээрх хамгийн хүчирхэг гар утас болгож байгаа юм. Гар утсан дээрээ олон зэрэг программ ажиллуулж, олон үйлдэл зэрэг хийх шаардлагатай илүү том дэлгэцтэй, ажиллагаа сайтай утас шаардлагатай байдаг утсан дээрээсээ ажлаа амжуулдаг хэрэглэгчдэд хамгийн тохиромжтой гар утас юм.
Z Flip 4 утас өмнөх загвартайгаа ижил эвхэгддэг хэлбэрээ хадгалж, ашиглалт илүү сайжирсан нь селфи камераар зураг авахад илүү хялбар болж, утас эвхэгдсэн үед гадна талын дэлгэцээр олон үйлдэл хийх боломжтой болсноор илэрч байна. Батеррейны хэмжээг томруулснаар илүү хурдан буюу 30 минутын дотор 50% цэнэглэх боломжтой болсон.
Galaxy Watch энгийн болон pro хоёр төрөлтэй боллоо. 40, 45мм-н сонголттой, илүү удаан цэнэгээ барьдаг, мөн шинээр биеийн халуун хэмждэг функцтэй болсноос гадна шинээр “sapphire” материалаар хийгдсэн бат бөх дэлгэцтэй болжээ. Galaxy Watch Pro нь спортоор хичээллэдэг хүмүүст зориулсан туслах функцүүдтэй ба саарал хар 2 төрлийн өнгөний сонголттой гарлаа.
Buds 2 Pro шинэ чихэвч нь өмнөх загвараас хэмжээгээр 15% жижиг болж, 16 байснаас 24 битийн чанартай дууг хүргэх чадамжтай болжээ.
Samsung Unpacked арга хэмжээг бүрэн эхээр нь үзэхийг хүсвэл доорх холбоосоор үзнэ үү.
