Энэ удаагийн мэдээний буландаа сүүлийн үед технологийн ертөнцөд өрнөж буй мэдээ, мэдээллийг хүргэж байна.
Өнгөрсөн Даваа гарагт Амазон өөрсдийн АНУ дахь хамгийн анхны дрон хүргэлтийн үйлчилгээгээ Калифорни мужийн Локфорд орчимд хаягтай Prime үйлчилгээний хэрэглэгчиддээ энэ оны сүүлээс эхлэн үзүүлж эхлэхээ мэдэгдлээ. Ингэхдээ дрон тухайн айлын хашаан доторх эзэмшил газарт нь хүргэлтээ буулгах ба ойролцоо буй саад, эд зүйлсийг төвөггүй мэдэрч тойрж гарах чадамжтай гэж үзэж байна. Амазон-с гадна АНУ-д Walmart, Австрали улсад Alphabet зэрэг компаниуд аль хэдийн дрон хүргэлтийн үйлчилгээ үзүүлээд эхэлсэн билээ. Walmart АНУ-д гэхэд 4сая орчим хэрэглэгчдэд дрон хүргэлтийн үйлчилгээ үзүүлэх боломжтой ба хоол хүргэлт болон хүнс бусад ахуйн хэрэглээний бүтээгдэхүүнүүдийг хүргэдэг болоод байгаа юм.
Өнгөрсөн долоо хоногийн эхээр Apple iOS үйлдлийн системийн энэ жилийн хамгийн том шинэчлэл буюу iOS 16-г танилцуулсан билээ. iOS 16 дэлгэцний түгжээн дээр нилээд анхаарсан нь хэрэглэгчид өөртөө тохируулан дэлгэц түгжээтэй үед lock screen-дээ цаг агаар, такси дуудлага, спортын мэдээ гэх мэт дата харах боломжтой, мөн дэлгэцэн дээрх цагны фонтыг өөрчлөх боломжтой болгосноор илэрч байна. Мөн iMessage цэсэнд илгээсэн мессежээ өөрчлөх болон устгах тохиргоо нэмэгдэж байгаа юм. Apple Pay нэвтэрсэн үйлчилгээний газруудад ашиглах боломжтой Одоо аваад дараа төл буюу 6 долоо хоногийн туршид 4 хуваан төлөх боломжтой зээлийн үйлилгээг нэвтрүүлэв.
Энэ цаг үеийн томоохон стриминг үйлчилгээний нэг болох 222 сая хэрэглэгчтэй Netflix энэ жил зах зээлийн хувьд нилээд алдагдалтай байгаа билээ. Өнгөрсөн онтой харьцуулахад компаний хувьцаа 70%-н бууралт үзүүлээд байгаа ба дараагийн улирал гэхэд дахин 2сая хэрэглэгчээ алдах тооцоололтой байгаа юм. Бусад томоохон стриминг үйлчилгээнүүд чанараа сайжруулж, сурталчилгааны үнээ бууруулж байгаатай холбоотойгоор Netflix-н удирлагууд компаний бодлого, контентын төрөл зэргээ эргэн нэг харах цаг болсон гэж мэдээллэжээ.
