Энэ удаагийн News Corner-т 4-р сард Дэлхий дахинд ухаалаг утасны борлуулалт хэрхэн өрсөлдөөнтэй өрнөснийг хүргэж байна.
Counterpoint компаниас Сар тутам гаргадаг Дэлхий дахины ухаалаг утасны борлуулалтын мэдээгээр Apple компани нь 2022 оны 4-р сард Дэлхийн хамгийн их борлуулалттай ухаалаг утасны жагсаалтыг таван загвараараа тэргүүлсэн бол Samsung болон Xiaomi дөрөв, нэг ухаалаг утастай удааллаа. Шилдэг 10 загвар нь нийт ухаалаг утасны зах зээлийн 21%-ийг эзэлжээ.
Шилдэг 10-т багтсан Apple-ийн загварууд 04-р сарын нийт борлуулалтын 89%-ийг эзэлжээ. Хэдий цөөн бүтээгдэхүүний төрөлтэй ч гэсэн Apple компани нь үргэлж олон загваруудыг хамгийн их борлуулагчдын жагсаалтад багтаасаар ирсэн. Харин илүү өргөн сонголттой, илүү олон төрлийн бүтээгдэхүүний багц бүхий Samsung-ийн шилдэг загварууд нийт борлуулалтын дөнгөж 22%-ийг бүрдүүлдэг.
Сарын шилдэг борлуулагчдын жагсаалтад 5G-ийг дэмждэг ухаалаг гар утасны тоо нэмэгдсэн нь өнгөрсөн оны мөн сард 4 загвартай байсан бол энэ жил жагсаалтад багтсан 7 шинэ загвар нь 5G-ийг дэмждэгээр харагдаж байна. Жагсаалтад байгаа 5G ухаалаг утаснууд нь нийт 5G ухаалаг утасны борлуулалтын гуравны нэгийг эзэлж байна.
Apple:
Apple компани хамгийн сүүлийн үеийн iPhone 13-ын 3 загвараараа шилдэг гурван байрыг эзэлсэн хэвээр байна. ОНЦЛОГ нь Pro биш iPhone 13 загвар нь худалдаанд гарснаасаа хойш сар бүр тэргүүлж байгаа бөгөөд ихэнх томоохон зах зээл дээрх борлуулалтаараа Pro хувилбаруудаас илүү сайн болсон.
Саяхан худалдаанд гарсан iPhone SE 2022 нь 3 оронтой тоогоор өсөж, шилдэг 10 жагсаалтад багтжээ. Энэ загвар нь 4-р сарын борлуулалтын графикийг тэргүүлж, Япон улсын ухаалаг утасны зах зээлийн 18%-ийг эзэлсэн Японд онцгой амжилт үзүүлсэн. Харин АНУ-д энэхүү загвар нь бролуулалт муутай байна.
iPhone 12 нь Япон, Энэтхэгт борлуулалт нэмэгдсэний улбаагаар 4-р байрыг эзэлжээ. Энэ бол 2021 оны 4-р сард хамгийн их борлуулалттай утасны жагсаалтад орсон цорын ганц загвар юм.
Samsung:
Жагсаалтын 4 байрыг Samsung эзэлсэн бөгөөд хамгийн сүүлийн үеийн тэргүүлэгч Galaxy S22 Ultra нь нийт топ 10-ын 5-р байранд жагсжээ. Хоёр жилийн завсарлагааны дараах Galaxy Note загварыг амжилттай залгамжлагч нь одоо байгаа Galaxy Note ухаалаг гар утасны хэрэглэгчдийн хэрэглээ болсон төхөөрөмж болжээ.
Төрөл бүрийн үнээр байрлаж, өөр өөр хэрэглэгчдэд чиглэсэн Galaxy A цуврал төхөөрөмжүүд нь Samsung-д бусад 3 байрыг эзлэхэд тусалсан. Шинээр худалдаанд гарсан Galaxy A13 нь өнгөрсөн жил Galaxy A12 цувралын амжилтыг давтаж байгаа бололтой. Тэдний борлуулалтын 50 гаруй хувь нь Энэтхэг болон Латин Америкаас бүрддэг. Энэ загвар нь жагсаалтад багтсан ухаалаг гар утаснуудын дунд борлуулалтын хамгийн өндөр өсөлтийг үзүүлсэн байна.
Анхны түвшний Galaxy A03 Core нь 8-р байрыг эзэлсэн бөгөөд 100$-с доош бөөний үнээр худалдаалдаг хамгийн их борлуулалттай ухаалаг утас болжээ. Үүний 4-р сарын борлуулалтын гуравны хоёрыг Төв Америк болон Латин Америк бүрдүүлжээ.
Xiaomi:
Xiaomi-ийн нийт борлуулалтын 11%-ийг бүрдүүлсэн Redmi Note 11 LTE 4-р сард жагсаалтын эхний 10-т бичигдсэн байр сууриа хадгаллаа. Тус сард Төв Америк болон Латин Америкт нийт Redmi Note 11 LTE-ийн дөрөвний нэг нь зарагдсан тул тус бүс нутаг Xiaomi-ийн өсөлтийн гол хөшүүрэг болж байна. Тус брэнд нийлүүлэлтийн асуудалтай тулгарсан бөгөөд нийт борлуулалт нь 2021 оны 4-р сартай харьцуулахад ойролцоогоор 25%-иар буурсан байна.
Source: https://bit.ly/3NgriO7
