Apple нь Worldwide Developers Conference (WWDC) -ийн үеэр дизайны томоохон шинэчилэлт болон зарим үзүүлэлтүүдийг сайжруулсан MacBook Air-ийг олон нийтэд танилцууллаа.

Apple Silicon-ийн шинэчлэлт болох M2 процессорыг ашиглаж байгаа анхны Mac компьютеруудын нэг болох MacBook Air нь уламжлалт нимгэн шаантаг загвараа илүү тэгш хавтгай болгосон хэдий ч 11.3 мм нимгэн, 1.2 кг жинтэй хэвээр байна. Apple-ийн мэдээлснээр шинэ загвар нь өмнөхтэйгөө харьцуулахад эзлэхүүнээ 20 хувиар бууруулсан байна.

Энэхүү шинэ 13.6 инчийн MacBook Air нь 2021 оны iPad Pro болон MacBook Pro зэрэг хуучин төхөөрөмжүүдтэй ижил шингэн торлог бүрхэвчтэй дэлгэцтэй(Liquid Retina display).

Шинээр гарах MacBook Air-ийн олон төрлийн өнгөний талаарх хэрэглэгчдийн цуу ярианууд ихэнх нь зөв байсан. Apple бидэнд Silver, Space Gray, Starlight, Midnight гэсэн 4 төрлийн өнгийг санаж болгож байна.

Шинэ MacBook Air-ийн бусад төхөөрөмжтэй холбогдох оролтын хэсэг буюу ports нь хоёр Thunderbolt оролт болон утастай чихэвч болох 3.5 мм-ийн диаметртэй чихэвчний залгуур нэмэгдэж, мөн MagSafe-ийн оролттой болж шинэчлэгдсэн байна. Энэхүү MacBook Air нь 30 минутын дотор 50 хувь хүртэл цэнэглэх хурдан цэнэглэгчийг дэмждэг бөгөөд хэрэглэгчид үүнд зориулж 67W USB-C тэжээлийн адаптер худалдаж авах боломжтой.

Үүнээс гадна MacBook Air нь дөрвөн спикер дууны системтэй. Apple-ийн мэдээлснээр энэ нь гурван микрофон бүхий аудио хэсэгтэй, мөн "дэвшилтэт beamforming үүсгэх алгоритм" -аар хангаж өгөх юм.

Apple компани HomePod-ийн анхны загварыг гаргахдаа "beamforming"-ийг ашигласан. Beamforming гэдэг нь төхөөрөмжийн цаана байгаа аль объект дууг шингээж, аль нь цуурайтуулж буйг ялгах гэх мэт үйлдэлтэй бөгөөд хэрэглэгчийн орчинд тулгуурлан дуу авиаг нарийвчлан дамжуулахыг хэлнэ.

Цоо шинэ М2 чип

Apple-ийн цоо шинэ захиалгат silicon бол M2 чип юм. Энэ нь M1 чипийн шинэчлэл бөгөөд 8 core CPU болон 10 хүртэлх core-ийг багтаах боломжтой дараагийн үеийн GPU-г агуулсан. Энэ нь M1-ээс хоёроор илүү core-той гэсэн үг юм.

М2 чип нь 24GB хүртэлх хурдтай нэгдсэн санах ойг дэмждэг, мөн Apple-ийн зүгээс шинэ медиа хөдөлгүүртэй видео засварлах, техник хангамжийн хурдасгасан кодчилолд зориулсан шинэ ProRes хөдөлгүүр зэрэг ажлын урсгалууд болон код тайлах талаар тусгайлан дурдсан.

Liquid Retina Display буюу шингэн торлог бүрхэвчтэй дэлгэц нь 13.6 инчийн хэмжээтэй, нэг тэрбум өнгийг дэмждэг, 500 нит хүртэл гэрэлтүүлэх чадвартай дэлгэц юм. Дэлгэц дээр байрлах 1080p FaceTime HD камер нь өмнөх Air-ээс 2 дахин бага гэрлийн гүйцэтгэлтэй.

Өөр зүйлийг хүсч буй хэрэглэгчдийн хувьд iOS 16 болон macOS Venture нь Continuity Camera-г санал болгож байгаа тул iPhone нь Mac-д зориулсан вэб камерын үүрэг гүйцэтгэх нь байна.

Энэхүү шинэ загвар нь 2022 оны 07-р сараас худалдаалагдаж эхлэх нь байна.