Ухаалаг утас үйлдвэрлэгчид хэрэглэгчиддээ 400-500 долларын үнэтэй утаснууд 2022 онд маш их санал болгож байна. Хэрэглэгчид хямд чаналтай утаснаас ч Apple болон Google-ийн хамгийн сүүлийн үеийн процессорууд, програм хангамжийн шинэчлэлтүүд, гайхалтай камеруудын хэрэглээх авах боломжтой болоод байна.
500 доллараас доош үнэтэй дээрх утаснууд нь өндөр үнэтэй загваруудтай харьцуулахад зарим нэг үзүүлэлт доогуур байдаг хэдий ч тоглоом тоглохоос эхлээд видео чат, олон төрлийн үйлдлийг нэг дор хийх зэрэг хүссэн бүхнээ ямар ч асуудалгүй хийх боломжтой.
Pixel 6A (500 доллароос доош үнэтэй хамгийн шилдэг Андройд утас)
Pixel 6A нь Google-ийн хамгийн сүүлийн үеийн Android 12 утас бөгөөд Pixel 5A-ийн дараагийн загвар болон 449 долларын үнэтэйгээр худалдаалагдаж байна. Технологийн мэдээллийн агентлаг болох CNET-ийн судлаач Лиза Эадичикко-ийн мэдээлснээр Pixel 6A нь "500 доллараас доош үнэтэй хамгийн шилдэг Android утас" гэж нэрлээд 599 долларын үнэтэй Pixel 6 болон түүний олон функцтэй ижил Tensor чип агуулж байгааг дурджээ.
Уг утас нь Pixel 6-аас арай жижиг бөгөөд 6.1 инчийн OLED дэлгэцтэй, 60 HZ-ийн сэргээх хурдтай. Мөн 12.2 мегапикселийн үндсэн камер, 12 мегапикселийн хэт өргөн камер зэрэг Pixel 5A-тай төстэй камертай. Гэхдээ Tensor чипийг оруулснаар зурагнууд нь арьсны өнгөний бодит өнгө, нүүрийг бүдгэрүүлэх, бараан зураг авахад зориулсан шөнийн дуран, зурагнаас хүсээгүй элементүүдийг арилгах шидэт баллуур зэргийг ашиглах боломжтой.
Samsung Galaxy A53 (Хамгийн шилдэг програм хангамжтай утас)
450 долларын (399 фунт стерлинг, 699 AU$) үнэтэй Samsung Galaxy A53 нь Galaxy S22-ийн шугаман дээрх хамгийн сайн шинж чанаруудыг багтаасан бөгөөд хямд үнэд хүрэх хэд хэдэн давуу талтай. Уг утас нь 2400x1080 пикселийн нягтралтай 6.5 инчийн AMOLED дэлгэцтэй, 5G дэмжлэгтэй, 5000 mAh батерейтай. Мөн уг утас нь 64 мегапикселийн үндсэн камер, 12 мегапикселийн хэт өргөн камер, 5 мегапикселийн макро камер, 5 мегапикселийн гүн камертай.
Гэхдээ энэ утасны хувьд хамгийн чухал зүйл бол Samsung One UI 4.1-тэй Android 12-ыг нийлүүлэхээс гадна дөрвөн жилийн програм хангамжийн дэмжлэг үзүүлэхээ амласан явдал юм.
iPhone SE 2022 (Хамгийн шилдэг жижиг утас)
Apple-ийн 2022 оны шинэ iPhone SE нь 429 долларын үнэтэй Apple-ийн хамгийн сүүлийн үеийн A15 Bionic чип, 5G дэмжлэг зэрэг ухаалаг утасны хамгийн сүүлийн үеийн үзүүлэлтийг агуулсан утас юм. Энэ нь мөн жижиг 4.7 инчийн дэлгэцтэй зах зээл дээрх цөөхөн хэдэн гар утасны нэг юм.
Гэсэн хэдий ч Apple-ийн 2014 оноос хойш хэрэглэж ирсэн ерөнхий хэлбэрийг үргэлжлүүлж байгаа энэ загвар нь таны энэ утсанд хамгийн дуртай эсвэл дургүй зүйл байж болох юм. Хэрэв та энэ үнийн түвшинд илүү том iPhone авахыг хүсч байвал илүү том дэлгэцтэй, Face ID танигчтай iPhone 11-ийг 499 доллараар худалдан авах боломжтой. Гэхдээ энэ утсанд 5G холболт байхгүйг анхаарах хэрэгтэй.
Moto G Stylus 5G (Хамгийн шилдэг үзэгтэй утас)
500 долларын үнэтэй Moto G Stylus 5G (2022) нь ялангуяа хямд үнээр авч болох хамгийн шилдэг үзэгтэй утаснуудын нэг юм. Энэ утас нь Android 12 үйлдлийн системтэй, 5G холболттой, 6.8 инчийн том дэлгэцтэйгээс гадна багтаамж нь 256GB байна. Харамсалтай нь уг утсанд зөвхөн нэг програм хангамжийн шинэчлэл, гурван жилийн аюулгүй байдлын шинэчлэлтийг амласан бөгөөд энэ нь Samsung-аас Galaxy A53-д амласан дөрвөн жилийн хугацаанаас хамаагүй богино хугацаа юм.
Гэсэн хэдий ч, хэрэв та үзэгтэй утас авахыг хүсч байвал дараагийн сонголт бол 1200 долларын үнэтэй Galaxy S22 Ultra юм.
iPhone 11
iPhone 13 цуврал гар утсаа худалдаанд гаргаснаар Apple компани iPhone 11 загвараа зах зээлийн зарчмаар хямдрууллаа гэсэн үг бөгөөд та 64GB багтаамжтай үндсэн загварыг ердөө 499 доллараар авах боломжтой боллоо. Энэ нь хэд хэдэн үеээр хуучны загвар ч гэлээ тоглоом тоглоход тохиромжтой, хоёр гайхалтай арын камераар тоноглогдсон хэвээр байна.
