Энэ долоо хоногийн News corner мэдээллийн булангаараа энэ жил танилцуулагдах IPhone 14-н талаар одоогоор бидэнд мэдэгдэж байгаа таамаглалуудаас хураангуйлан хүргэж байна.
Жил бүрийн намар хүмүүсийн дунд хүлээлт үүсгэдэг Apple-н шинэ загваруудаа танилцуулах өдөр болох тун ойрхон байна. Гэхдээ Хятадад үүсээд буй цар тахлын нөхцөл байдалтай холбоотойгоор Apple-н шинэ утасны нийлүүлэлтэд асуудал үүсээд байгаа ч 9-р сард багтаж Apple шинэ бүтээгдэхүүнүүдээ таницуулах нь тодорхой болоод байна.
Apple компани энэ жил 💀iPhone mini загварын үйлдвэрлэлээ зогсоож энгийн болон про гэсэн 2 төрлийн 4 гар утасны загвар танилцуулагдах ба үүнд 6.7 инчийн буюу том дэлгэцтэй энгийн загвар анх удаа гарах юм.
Дээрх загваруудыг гаргахаар бэлтгэж байна. iPhone 13-н ижил энгийн загварууд 2 камер, про загвар 3 камертай байна. Энгийн iPhone 14 загварууд өмнөх загварын ижил А15 чиптэй байх ч про загварууд шинэчилсэн А16 чип ашиглах төлөвтэй байна. Үүнээс гадна бас нэгэн сэтгэл догдлуулж байгаа зүйл бол мэдээж арын камер илүү сайжирч 48MP, 8K бичлэгний хүчин чадалтай болохоос гадна селфи камер илүү сайжирч, автомат фокусын функцтэй болох таамаглалтай байгаа юм. Мөн iPhone 14 загварт нил ягаан өнгө шинээр нэмэгдэж магадгүй байна.
Түүнчлэн энэ жилээс iPhone болон iWatch машины ослын мэдрэгчтэй болох ба автоматаар түргэн тусламж руу залгах тохиргоотой байх юм. Багтаамжийн хувьд 1TB хүртэл нэмэгдэх ба биет симний оролтгүй зөвхөн иСим-ээр ажилладаг болж магадгүй байна. Энэ мэтчилэн дотоод эд анги, системийн олон шинэчлэлүүд хийгдэж байгаа гэдэгт бид итгэлтэй байгаа ба 9-р сард шинэ iPhone 14 танилцуулагдахыг сэтгэл догдлон хүлээх үлдлээ.
