Phone 1 Apple-н гар утаснуудтай харьцуулахад харьцангуй үнэ багатайн дээр хангалттай сайн 50мп камер, 6.55 (120Hz) инчийн дэлгэц зэргээрээ бусад Андройд утаснаас онцлогтой. OnePlus-н үүсгэн байгуулагч Карл Пей компаниасаа гарсны дараагаар Nothing-д ажиллаж эхэлсэн бөгөөд арваад жилийн өсөлтийн дараагаар уналтад ороод байгаа ухаалаг гар утасны зах зээлд шинэ утас гаргах нь тийм ч хялбар байгаагүй талаар тэрээр дурджээ. Энэ хэрээр ухаалаг гар утасны өрсөлдөөн ширүүсч, брэндүүд хоорондоо улам ижилхэн болсоор байгаа үед өрсөлдөгчдөөс ялгарах тал дээр түлхүү анхаарсан гэж Nothing-нхон мэдэгдэж байна. Дундаж үнэтэй гар утасны зах зээлд тэд хамгийн чанартай чип, камер, эд ангийг суурилуулсан талаар мэдэгдэж байгаа.

Xэрэглэгчдэд хамгийн их таалагдаж байгаа зүйл нь гар утсаа чихэвчтэй холбоход маш хялбар болгож, чихэвчтэйгээ цэнэгээ хуваалцах боломжийг олгож мөн утасгүй цэнэглэгчийг шийдэж өгсөн нь юм. 2400x1080 нягтралтай 6.55 инчийн дэлгэц нь ухаалаг гар утасны хувьд харьцангуй томд тоооцогдох ба баттерейны хувьд ч асуудалгүй сайн ажиллах чадвартай. Phone 1 усанд тэсвэртэй хэдий ч усны хамгаалалттай хараахан биш юм. Англиас гаралтай Nothing компани одоогоор Phone 1 гар утсаа Англи, Европ, зарим Азийн зах зээлд борлуулж эхэлж байгаа ба АНУ-д хараахан борлуулагдаж эхлээгүй байна.

Техникийн үзүүлэлт